പ്രണയിക്കുന്നതിനും പ്രണയിക്കപ്പെടുന്നതിനും പ്രത്യേക സൂത്രവാക്യങ്ങളൊന്നും ഇല്ലെന്നു നീ . അത് ആത്മാവുകളുടെ പരസ്പരമുള്ള കണ്ടെത്തലാണെന്നും . അതുകൊണ്ടല്ലേ യഥാര്ഥ പ്രണയികള് പരസ്പരം ഒരിക്കല് പോലും നേരിട്ടുകാണണമെന്നു നിര്ബന്ധമില്ലാത്തത്. നീ വീണ്ടും മേ -ജിബ്രാന് ഉദാഹരണം പറഞ്ഞു.
അത് പറയുമ്പോഴും അന്ന് നമ്മളും പരസ്പരം കണ്ടിരുന്നില്ല എന്ന് നീ മറന്നുപോയിരുന്നു. നമ്മള് എന്നേ പരസ്പരം കണ്ടറിഞ്ഞവര് എന്നായിരുന്നല്ലോ നമ്മുടെ ഭാവം .
ആര്ത്തലച്ചു പെയ്യുന്ന മഴയുടെ ശബ്ദം ഞാന് നിന്നെ ഫോണിലൂടെ കേള്പ്പിച്ചപ്പോള് നീ അന്ന് ചൊല്ലി "നീ കൈനീട്ടി ആ മഴ ഒന്ന് നനയൂ ..അപ്പോള് എനിക്കും ഇവിടെ ഇരുന്നു ആ മഴയുടെ തണുപ്പനുഭവിക്കാമല്ലോ " .
ഞാന് ഫോണിലൂടെ നിര്ത്താതെ സംസാരിച്ചുകൊണ്ടേ ഇരുന്നു . നീ മൂളിക്കൊണ്ടും. ഞാന് മാത്രം എന്തിനിങ്ങനെ വായിട്ടലക്കുന്നു എന്നു പിന്നീടു ഞാന് പരിഭവിച്ചപ്പോള് നീ വീണ്ടും ജലാലുദ്ദീന് റൂമിയെ കൂട്ടുപിടിച്ചു "അധരങ്ങള് മൌനിയാകുമ്പോള് ഹൃദയത്തിനായിരം നാവുണരുന്നു.നീ എന്റെ സമുദ്രത്തിലെ ഒരു തുള്ളിയാണ്.പിന്നെന്തിനീ വാചാലത?!"
ഞാന് മരിച്ചാല് നിന്നെയാര് നോക്കും എന്നതിനേക്കാള് ആരൊക്കെ നോക്കും എന്നതാണെന്റെ പേടി..!!
ReplyDeleteആര്ത്തലച്ചു പെയ്യുന്ന മഴയുടെ ശബ്ദം ഞാന് നിന്നെ ഫോണിലൂടെ കേള്പ്പിച്ചപ്പോള് നീ അന്ന് ചൊല്ലി "നീ കൈനീട്ടി ആ മഴ ഒന്ന് നനയൂ ..അപ്പോള് എനിക്കും ഇവിടെ ഇരുന്നു ആ മഴയുടെ തണുപ്പനുഭവിക്കാമല്ലോ " ............
ReplyDeleteമഴ തുള്ളികള് കയ്യില് വീഴുന്നപോലെ ...മനോഹരം...